السلام عليكم ورحمة الله وبركاته

طبعا فى الأول كده واجب عليا الإعتزار ..... ده اذا كان طبعا حد سأل عليا اساسا .............. لكن بجد انتم وحشتوووووووووووووووووووووووووووووووووونى جدا جدا جدا


ندخل بقى فى الموضوع لأنك عارفين انى مش بحب اللف ولا الدوران


ندخل فى الموضوع المعقد اسرائيل وفلسطين


طبعا احنا عارفين ان حكومة اولمرت غارت وخفيت وجه بدلها حكومه متعصبه حتى ان ليبرمان وزير الخارجيه فى اول يوم توليه مهام منصبه صرح بانه مش معترف اساسا باى حاجه ليفنى عملتها وبيقول فى سره يا انا يا انتم ياعرب
باراك اوباما مش عاوز يعمل من اليمه بتاعته عداء للعرب فى المرحله دى ............ واحد هيسألنى يقولى امال جورج بوش فين ... هرد عليه واقوله زمانه بيورنش لموؤاخذه شوزز فى واشنطن على الرصيف اللى وانت داخل على حارة الواد عبده انتيخه .

المهم سيبك من جورج وباراك كلهم ولا ستين فى اتناشر يبقى كده دخلنا فى 720 جزمه لانهم ولاد لذين ,

اكتر حاجه ياجماعه بجد بتضايقنى ان الاقى واحد مسلم ( وانا مسلم الحمد لله وازعم انى ملتزم الى حد ما ) يقول على واحد مسيحى او يتكلم على الجماعه المسيحيه كلام مش تمام او حتى يدعى عليهم او يسبهم ويسب دينهم .... لكن ياجماعه احنا ولاد وطن واحد ... ولاد بلد واحده ... ايوه مختلفين فى العقيده لكن ربنا قال "لكم دينكم ولي دين " صدق الله العظيم ....... وبعدين ربنا قال للرسول انت مش هتجبر حد يدخل الإسلام انت عليك البيان والتبليغ واحنا علينا الهدايه .... اما بقى حتة هيدخلوا النار احنا هندخل الجنه ,,, دى مش بتاعتنا ... دى بتاعة ربنا ... مش احنا اللى هنحاسبهم ولا حد هيحاسب حد " ولا تزر وازرة وزر اخرى "

ياجماعه اسلامنا جميل قوى ..... انتشر بفضل روح المسلمين الجميله ... وعدم حقدهم .... انتشر بفضل توحدهم ... انتشر علشان الناس شافتنا بنخاف على بعضنا ... انتشر علشان شافونا بننصف المظلوم حتى ولو مش من دينا ... انتشر علشان كنا بنطبق كلام ربنا من غير تأويل لمعانيه على أهواءنا ... وبعدين احنا لوفكرنا كده ورجعنا بدماغنا شويه هنلاقى ان كان سكان مصر اقباط ... جاء الفتح الاسلامى دخل من دخل الدين الاسلامى وظل الباقى على ديانتهم .... واحد بقى هيعملى فيها ابو العريف هيقولى ياعم دلو محرفين الانجيل هقوله وانت مالك همه لهم عقيده همه حرين فيها ......... هو احنا مش عارفين نتعلم من طفلين صغيرين الا وهو سيدا شباب اهل الجنه الحسن والحسين لما شافوا واحد بيتواضأ غلط قالوا ليه ايه ..؟؟؟ تفتكروا نهروه وقالوا ليه انت كده مش صح وبتوضأ غلط وهتروح النار ......... لا طبعا كان زمان الراجل كره الصلاه والحياه .... لكن قالوا ليه بلطف وظرف حكم بيننا ياعم انا واخى من يتوضا صواب ومن يتوضأ خطأ وتوضأ الإثنان صواب ففهم الرجل انه هو الخطأ

ياجماعه انا لما كان والدى بيقولى قوم صلى بالعافيه انا كنت خلاص قربت أكره الصلاه ,,,, هو عمل اللى عليه وقالى الصلاه فرض وفضل يعملنى وزعقلى مره واتنين وتلاته .,... بعدها بقى يقولى انا رايح اصلى مش يقولى تعالى صلى انا كنت من تلقاء نفسى بروح اصلى وحبيت الصلاه والحمد لله على اللى وصلت ليه.

اللى عاوز اقوله ان مش فى حاجه هتتغير بالعافيه .......... مسلمين أقباط كلنا ولا بلد واحده ...... واحد من الجماعه حبايبى (الإخوانجيه) هيطلعلى ويقولى هو انت بقى من اللى بيساند القوميه العربيه ضد القوميه الإسلاميه .... هقوله يا أبا حنجل انا لو مش عملت كده يبقى بقول مفيش غير الاسلام يبقى على ارض الوطن وهنعمل حرب اهليه .... وانت يامعلم عملت جماعة الإخوان المسلمين ودخلت بيها الانتخابات يومين وتلاقى جماعة الاخوان الأقباط وعاملين شعار اتنصر وهنظبطك ...... طيب وليه ياجماعه ....... .

طيب انا بدعو كل من يقرأ البوست ده لو كان ليك صاحب مسيحى وانت مسلم مش تعاديه .... عامله بالمعروف .... وانت لو ليك صديق مسلم وانت مسيحى وده وزوره .

ياجماعه مش لينا غير بعض فى تكاتل وتكالب علينا من قوى بره .... ونرجع نقول ليه ده بيجيله دعم من بره ؟؟؟

وفى الآخر أحب اقول ان الوضع دلوقتى "مش عاجبنى"

طبعا حق الرد مكفول وحق التصحيح كمان .


بقلم
المصــــــــــــــــــــــــــــــــرى