الاثنين، 7 مارس، 2011

sooooooooooooon

تظاهرات بلا حدود


........قريبا

الجمعة، 19 مارس، 2010

هشتغل رئيس جمهوريه

القادم



انا هبقى رئيس جمهوريه

الأربعاء، 13 يناير، 2010

افهم بقى ياحمار


بلدى بتعجبنى علشان كده .. بحب بلدى علشان الحب ده ... شايف ف عيونهم خوف على بعض ,, شايف ف قلوبهم حنين للأرض .

بصوا ياجماعه هى حاجه انا شوفتها وعيشتها وبجد فرحت قوى بيها ... لما أدخل اعزى ف حد ميت (طبعا ربنا يرحمه ويرحمنا كلنا ) ,, والاقى قاعد قصادى واحد مسيحى داخل يعزى ف واحد مسلم .. بيسمع لقرآنا بانصات هو ممكن مش يكون فاهم كل اللى فيه .. بس على الاقل بيسمع .. قبل ما يدخل القاعه عمل تليفونه silent يعنى صامت .. وده على العكس من واحد مسلم والقرآن شغال الموبايل غنى .!

ودى مش أول مره أشوف الموقف ده .. لكن اثناء عزاء عمتى رحمها الله ايدى بجد وجعتنى من كتر الناس اللى توافدوا وخاصه الاخوه الاقباط من كل القرى المجاوره وقريتنا .

كان نفسى وانا قاعد ف العزا آخد صوره لعم ميلاد وهو قاعد وجاى يعمل واجب ,, ومش هكون مبالغ ان قلت ان دى مش مصلحه ,, لأن الفلاح البسيط ميعرفش يعنى ايه مصلحه ،، لكن يعرف انه لما يحب يحب بجد ولما يكره بردو يكره بجد ॥ ميعرفش ينافق ,, ولا يعرف يكذب ولا يعرف يعش ॥ يارتنى كنت واحد منهم(فلاح بسيط عايش وسطهم)

مش بقول الكلام ده على عم ميلاد علشان ابنه بولا صاحبى ,, لكن علشان كل الاخوه الاقباط ليهم تقدير واحترام , ايه يعنى مش من دينا ,, مش هيموتونا يعنى ,, ورب العباد هو اللى بيحاسب .

وعجبنى كلام واحد بسيطه قوى وانا كنت راكب العربيه فى طريقى للعوده الى المنزل من مدينة ميت غمر الى قريتى كانت بتقول لواحده مسلمه "الاختلاف بينا وبينكم ف الدين ,, لكن الرب واحد " .. ليه مش عاوزين نفهم ده !


بشوف كتير ان الاقباط بيجولى ف العيد وبردو انا بروح ليهم ف اعيادهم .

تخيل معايا كده لو جه عدو وحارب بلدنا .. اصحاب الملل التانيه هيحاربوا مع مين.؟؟

مش هتخيل ولا هتكهن ولا هعمل فيها الواد الخط اللى فاهم كل حاجه لكن هقولك بص للتاريخ .. لما الصليبيين وصلوا للشواطىء المصريه .. كانت كل البلد واقفه مسيحى ومسلم .. كله بيقول دى بلدى ولازم ادافع عنها ولو بدمى .

سامحونى لو اتهمت اللى قام بالهجوم على كنيسة وكاتدرائية نجع حمادى ب "الحمار" لانه بجد حمار ولا فكر وهو بيخطط ولا هيفكر . المشكله ان ف هجومه مات واحد مسلم يعنى من دينه .. يعنى للأسف هو مش كارة دين معين .. لكن كاره نفسه اصلا.

ولكن من باب الحياديه والموضوعيه التى تحتمها على دراستى ف الاعلام .. فلابد كما اننى تكلمت بما على ان اتكلم بما لى .. فالأخوه الاقباط هم الآخرون او فئه قليله منهم تريد وتطلب من النار ان تزداد اشتعالا .. وبينما كنت أتجول ف المواقع على الانترنت اذ بى افاجىء بموقع يدعى تاريخ أقباط مصر وأحدى عناوينه الفرعيه "الاعتدائات الدمويه على الأقباط" ، وعلى اليسار من صفحة الموقع الرئيسيه مكنوب بالنص " قال المسلمين : الله أكبر بعد أن طعن أحدهم راهبة بسكين " . وهذا اعتقد انه تصعيد من قبل بعض الاقباط .


ادعو الشعب المصرى باسمى واسمكم ان يتعاون وينبذ الخلافات جانبا وان يسعى لتحقيق هدف واحد وهو :-

مصـــــــــــــــــــــــــــــــــــــــــــــــــــر

_________________________________

*تحديث قبل النشر :

أحب ان اوضح لمولف الموقع المعنون "تاريخ اقباط مصر" بأن المسلمين لم يكونوا أبدا بالمحتلين .. المحتل أيها الاستاذ الفاضل هو من اغتصب حقا ليس بحقه .. والاقباط حينما دخل عمرو بن العاص مصر قابله الاقباط بالترحاب لا بالسيوف والمجانيق .. هكذا التاريخ يتحدث ... كما انك تدعى ان الاقباط قد قاسوا منذ دخول المسلمون مصر فتقول : "بالنسبة للأقباط فقد قاسوا من المسلمين منذ إحتلالهم مصر كما رأيت أيها القارئ ولم يرحموهم الفرنجه أيضاً" .. ولكن يكذبك بنو دينك الذين يذكرون فى أكثر من مناسبه ان المسيحيون لم ينعموا بأمان واستقرار خير من الفتره التى عاشوها بعد دخول المسلمين مصر . ...... أرجوا ان تعيد ترتيب اوراقك ثانية وتتذكر مسئولية الكاتب والمؤرخ فى نقل الحقائق والتراث.!!

_ _ _ _ _ _ _ _

بقلم
المصرى

الاثنين، 4 يناير، 2010

مواطن مش ضد الغلاء

فعلا انا مش ضد الغلاء .. لأنى اكتشفت فعلا ان الشعب المصرى لما تعامله برقه وحنيه وتقوله ديمقراطيه يتطنطط عليك .. اما تمسكه من قفاه وتقول ليه هو ده ومفيش غير ده هيقول ليك سمعا وطاعة
الكلام ده انا مش بدعيه ولا بختلقه لكن فعلا ... انا شوفت ان الشعب المصرى كل ما شاف الحاجه قليله كل ما بدأ يحافظ أكتر عليها ... شعب طيب لكن متمرد .. شعب بيقول احنا مظلومين لكن ف اغلب الاحيان هو ظالم .. شعب مش عارف هو عاوز ايه .. عاوز المجد والرقى بين الامم ولا عاوز يفضل زى ماهو .. شعب متحير دايما بين ده وده ... ورغم انه ظالم الا انه دايما بردو واخد على قفاه ... انا واحد من الشعب ده وحاسس بيه .. مختلفين فى كل حاجه ,, افتكر ليا مره اتجمعنا فيها بخلاف ماتشات الكوره .. معتقدش هتلاقى .. شعب بيكره النظام (مش حسنى مبارك) لكن التنظيم قصدى
الغلاء وان كان فى ظاهره ظاهره مخيفه الا انى مستريح الا حد ما لان كل واحد هيحافظ على السلعه اللى ف ايده .... دول الاغنيا ،،،، طيب يابيدو باشا والفقرا ..؟؟ دول بقى يدعوا وامرهم لله ...... وانا بدعى .. ادعى معايا يارب نجحنا بقى السنه دى ........ دى آخر سنه
دى ممكن تكون تهييسة قبل الامتحان ,,,,,,,,,,,,,,,,,,,,,,,,,,,,,,,,,,,,,,,,,,,,, استحملوها
المصرى

الخميس، 3 ديسمبر، 2009

هنرجع ندون تانى

السلام عليكم
بعد ما قررت ابعد عن المدونه .......... للمجاملات ........ لاقيت انى مش كسبان حاجه ............ بالعكس بخسر ...... بخسر ناس اتعودت عليها وحبيتها .......... فعلا مش شوفتها ,,,,,, لكن اتعودت على وجودهم معايا وجنبى
ومن هذا المنطلق
قررنا نحن ...(نحن مين بقى ) ايه الحاجات الصعبه دى
المهم احنا قررنا .... كده بردوو معملناش حاجه
قررنا من غير اى اضافات بقى وخلاص
اننا هنرجع تانى للتدوين
واللى عاوز يقول ازيك ماشى
اللى عاوز يقول رأيه يبقى كويس
اللى عاوز يقول الاتنين يبقى كتر الف خيره
المصرى