تاج جاى بالدراع

ملحوظه : كعادتى أخدت التاج ده عافيه يعنى عملت اهداء لنفسى من مدونة أختى maiosha ، فهلوى أنا بقى..........

السؤال الأول :1_بدأت التدوين من إمتى؟ودخلت العالم ده إزاى؟

بصراحه أنا بدأت التدوين من حوالى سنه ، وانا فعلا مقل فى تدويناتى ؛ لكن ده مش تقصير فى حق كل أصدقائى المدونين على قد ما هو انشغال بظروف العمل . أما الشق الثانى من السؤال اللى هو دخلت عالم التدوين ده ازاى ؟ فأقدر أقول انى دخلته كده عافيه غلاسه .. مش عارف .. لأنى اول مره دخلت سيبر لاقيت واحد صاحبى ينتمى الى تيار الإخوان ،وكان بيقولى دايما فى مدونه اسمها واحد من الناس عجبانى جدا فأنا بصراحه لاقيتها فكره أعمل حاجه وكمان ببلاش وعلى رأى المثل أبوبلاش كتر منه . وبناءا على ما تقدم رحت عامل مدونه لكنها فشلت اوكان اسمها (بص هقولك حاجه ) .. لكن انا شغال فيها دلوقتى شغل الكليه... يعنى التكليفات اللى بتطلب منى بس أما المدونه دى فكانت بمثابة فاتحة آفاق للتعبير ومعرفة الآخر.

السؤال الثانى:2- إيه كان إنطباعك فى البداية؟

فى البدايه ما أخبيش كنت قلقان .. ياترى أنا أفكارى غلط؟ ولا اسلوبى مش حلو ؟ ولا ايه؟ وفضلت دماغى تروح وتيجى لحد ما (هيست) ؛ لكن ربنا أخيرا فرجها وجالى أول تعليق فى حياتى مكتوب وكان من (لولا) اللى أعتقد انها بتدرس فى نفس مجالى ولها الفضل فى استمرارى فى التدوين.

السؤال الثالث:3- مين أول واحد بتهتم بتعليقاته على بوستك الجديد؟

بصراحه كله وخصوصا المهتمين بالفكر السياسى

السؤال الرابع:4-إيه أهم حاجة إتعلمتها فى عالم التدوين؟

إحترام رأى الآخر .. وكمان معرفة أصدقاء جدد

السؤال الخامس :6-حاسس إن التدوين له تأثير عليك ؟

أكيد بلا شك على الأقل بحاول أعدل من اسلوبى فى الكتابه لعل وعسى ربنا يهل وأنجح فى مجال الصحافه

السؤال السادس:7- تهدى التاج لمين ؟

لناس كتير لكن اللى جاوبه مش يجاوبه تانى ومتسمعوش كلامى قال أبو بلاش كتر منه لا يحبايبى دى حاجة يتامى

عالم جيجى الصغير

انا و أصحابى

احنا الناس التانيين

أحاسيس

دينا حامد

كيكى

Desert cat

بالنسبه بقى لتاج حسن حنفى متقلقش يابوب عليك الدور وخلى بالك من الإجابات الجامده اللى هكتبها

أما اللى مخدش تاج انشاء الله أعمل حسابى ليهخ المره التانيه

بقلم

المصـــــــــــــــــــــــــرى