بصه نقديه كلاكيت تانى مره

شعبنا جميل
، وحاكمنا أمين...
أهى كلها شعارات بنرددها واحنا نايمين ...
بتقول كلام ولا إحنا عارفين ،
أصله من فصله وأدينا عايشين ...
ولو جينا نقول مين؟...
على طول تطلع السكاكين...
بقولكم ايه؟..
انا هبطل كلام مسجوع ،
اصلى عارف انه ممنوع ...
وهدخل على طول فى الموضوع...
الموضوع صعب لكن لازم نتكلم فيه ،
الشباب ياناس عنده احباط مخليه..
كاره نفسه وكمان اللى حواليه..
تقوله رايح الجامعه ليه؟..
يقولك أهو وقت وبنقضيه...
مفيش عنده طموح..
ماهو صحيح ، هو هيجى مع الريح؟التعليم بيقولك كله مشاكل ..
طيب من ايه؟ ،
طبعا من المدرس النايم فى الفصل ،
والتلميذ الخايب والحكومه اللى بتكبر دماغها ...
انا عارف انك بتقول عليه من ورايه انى عبيط ،
لكن انا هأكدلك انى مش كده .الإحباط ده مرض العصر..
من زمان وهو موجود فى مصر..
عامل أزمه وكل يوم فى نصر..
بيدمر فى الشباب ولا أكنه فارس فى القصر..
هتقول بردو كلام عبيط ،
ماشى بس خليك معايا للآخر؛ بص ياسيدى احنا عندنا شباب طبعا من المفترض انه يكون بيدرس فى اى مرحله من مراحل التعليم ، انا هكلمك على الأطفال كمان شوف ياعم وخد عندك الحضانه وهى اول مراحل التعليم او مرحلة الاستعداد ليه تيجى تسأل الاهل الواد ولا البت بيروح الحضانه ليه يقولولك أهو يخف عن دماغنا شويه ولا فى دماغهم تعليم ولا بتاع ندخل على الابتدائى بعد ماخلصنا الحضانه واحنا مش عارفين ننطق الحروف صح فضلا عن اننا مش عارفين نكتبها المهم ، دخلنا الابتدائيه ولا احنا فاهمين الألف من كوز الدره وتلاقى مدرس العربى بيشرح حاسب آلى وياريته فاهم هو بيقول ايه وحصة الألعاب بيوزعوها احتياطى وفى الآخر بيغششوا الطلبه فى الامتحان ، وأكيد انت سمعت الحاجه "رولا خرسا" فىى برنامج القصه وما فيها لما كانت مستضيفه عمك "يسرى الجمل" وبتكلمه عن التعليم ومشاكله فى مصر ففى بنت من الاستيدو طلبت تتكلم فسمحت ليها عمتك "رولا"فالبنت قالت انهم بيكتبوا ليهم الاجابه على السبوره .. تتوقع يامعلم البنت دى فى سنه كام؟ هقولك فى سنه اولى ابتدائى وبيعلموهم الغش امال لما يكبروا عاوزهم يعملوا ايه اهم حاجه فى الموضوع ان الحاج "يسرى" مصمص شفايفه ومنطقش بكلمه ...سيبك من الابتدائى وخش على الاعدادى واركن فى جنب شويه وأول ماتركن هتشوف الطلبه بتنط من على السور ولا أكن امريكا هتدخل المدرسه بص مش هطول هنا علشان انت عارف مش محتاج احكيلكوالثانوى والدروس الخصوصيه اصل بيقولك مرحله حاسمه فى تاريخ البنى آدم ، العيال مش فاهمه اى حاجه من الفول والطعميه اللى دمرت خلايا مخهم .الجامعه بقى يانجم ورحلة الاحباط التى ليس لها محطة نوم ، السنين اللى فاتت كانت أهله بتقوله ياواد زاكر يابت افتحى كتاب أما الجامعه فبيدخل ويحس انه خلاص بقى راجل فلازم يبص من الشباك على المستقبل ؛ فيشوفه بنت زى الغفير فيقفل الشباك تانى ...هو ده الحال بالظبط بيبص على المستقب يلاقى مفيش شغل فبيعمل حاجه من الاتنين يابيسيب الكليه وبيريح دماغه ويعليها أو بيدبلر وياخد السنه فى كام ألف سنه وابقى قابلنى لو طلع منها لأنه خايف يطلع ويقد على القهوه ومش يلاقى حساب المشاريب أما وهو فى الجامعه فربنا يخلي ابوه أو أمه ....... وربنا يخليهم لنا ......بقولك ايه مش هتعمل دراسات عليا؟؟

ملحوظه:انا عاوز تعليقات لو سمحتم عاوز اعرف انا بكتب لروحى ولا حد بيشوف الكلام اللى بكتبه الله يكرمكم
بقلم
المصـــــــــرى