كوكتيل

ده أكتر من بوست فى واحد اتفقنا انه بعنوان كوكتيل ... اللى انت عاوز تقرأه اقرأه واللى مش عاوز تقرأه نفضله بس ياريت وده شرف اليا بالتأكيد تقرأ كله

وده أول واحد وهو تهنئه بمناسبة عيد الفطر المبارك

كل سنه وكل العالم بخير واتمنى يعم فيه السلام

كل عام والعالم الإسلامى بخير ويتجمع على كلمه واحده هى لا اله الا الله

كل عام والعالم العربى بخير ويتجمع على حاجه واحده هى لغتى هويتى

كل عام والمدونين كلهم بخير وتجمعوا على كلمه واحده هى مصلحة بلدى هى الأساس

كل عام وكل مصرى بخير عنده يقين ان بلده هتكون بخير

كل سنه وأهلى كلهم طيبين ومتجمعين غير مفرق شملهم

كل عيد وحضراتكم طيبين

وده تانى واحد وهو تاج جالى من أخويا اللى على طول بلاقيه أول ما أنزل البوست أوبعدها بخمس دقايق بالكتير زى ما يكون مش بيقوم من على المدونات ......متزعلش يادرش انا بضحك معاك مش أكتر وجالى كمان من جوجو وغيرهم .

السؤال الأول:

أذكر خمسة أحلام أحلام على الأقل تخص ماضيك وتحلم فيها بتغيير أشياء ماذا ستعدل وماذا ستترك؟

أولا _ كان نفسى ابقى غنى جدا ومعايا فلوس كتير .. تراجعت عن الحلم ده.

ثانيا _ كان نفسى ابقى مطيع لربى .... صابر على قضاءه .... ومصر على الحلم ده.

ثالثا _ كان نفسى ابقى محبوب من كل الناس واعتقد انى حققت جزء كبير منه وفى سبيلى لتحقيق الباقى.

رابعا_ كان نفسى ابقى رئيس جمهوريه ديكتاتورى جدا لكن لما شوفت الأوضاع والحاله رجعت عن اللى فى دماغى

وبدأت أكون ديمقراطى حتى فى حياتى العاديه.

خامسا _ كان نفسى جسمى وبنيانى يكون قوى جدا علشان أقدر آخد الحق للمظلوم فى اى وقت لكن ربنا مش أراد ولكن

بحمد ربنا انى بقدر أجيب حق المظلوم وده بإرادة ربنا وانا كده يعنى جسمى على قدى.


السؤال الثانى :

إذكر خمسة أحلام على الأقل تخص مستقبلك؟

أولا _ انشاء الله أكون صحفى قادر على تغيير مجريات الأحداث وكمان أشتغل بس فى الصحافه الإستقصائيه اللى هى

متخصصه فى كشف الفساد وأهله.

ثانيا _ انشاء الله أحاول لم شمل الأمه الإسلاميه كلها تحت كلمه واحده ورايه واحده مكتوب عليها " لا اله الا الله".

ثالثا _ انشاء الله أحاول أجمع العرب كلهم تحت رايه واحده مكتوب عليها " لغتى هويتى"




رابعا _ انشاء الله أحاول أخلى السلام يعم العالم كله وأدعم الدول الراعيه للسلام .. طبعا السؤال الملح هو ازاى يابنى

انت حلتك حاجه.؟ ده انت هتلف تشحت قريب ؟! والإجابه انى ممكن يكون الدعم ده بكلمه صادقه طالعه من قلبى بجد.

خامسا _ انشاء الله بدور على بنت الحلال اللى تصون بيتها وتقدر تربى اولادها ويارب ألاقيها بسهوله رغم انى عارف

انها مهمه شاقه .. مهمة البحث عن زوجه..



السؤال الثالث :

اذكر شخصين متواجدين فى حياتك حاليا كنت تود وجودهم قبل ذلك بزمن؟

بصراحه ومن غير لف ودوران كل اللى اعرفهم بجد ناس تستاهل انهم يكونوا موجودين قبل كده بكتير الا القله القليله

اللى بعتبرها اساسا مش فى حياتى .

السؤال الرابع :

-أذكر شخصين على الأقل غير متواجدين في حياتك حاليا .. كنت تود وجودهم الآن أو في حياة أولادك مستقبلا

لو تسمحولى اغير السؤال وأقوال حاجتين نفسى يكونوا موجودين فى حياتى وكمان فى حياة أولادى انشاء الرحمن


أولا : الحــــــــــــــــــــــــــــــــــــــــــب

ثانيا : الســــــــــــــــــــــــــــــــــــــــــلام

السؤال الخامس:
لمن تهدى هذا التاج؟

أعتقد ان كل الناس جاوبته ولو كان ولا بد يبقى لأى حد يزورنى وشم جاوب التاج مهدى ليه


ايوه ياسيدى انت

مش انت مش جاوبت

يبقى انت

آه

انت والله جاوب ومش ليك دعوه بحد

التالت بعنوان هتفرس خلاص وده مقال سياسى

هتفرس خلاص

كل يوم يبعتولى رسايل على الموبايل غاويين يخنقونى وكلها بجد تجيب ضغط يمكن علشان انا لسه قايم من دور تعب

وممكن علشان العيد ورمضان والمدارس كانوا فى توقيت واحد فجالى غيبوبه من كتر المصاريف

وكمان اللى بشوفه فى اعلانات التلفزيون

الضرايب

مدام فشخره منظر وجوزها سيد بيه منظر

اعلانات مدينتى

اعلانات المرشدى

يعنى حاجه من الآخر تشل اللى مش له نفس يجيله شلل فى الوقت الحالى

من الآخر انا هكتب رسالتين من اللى اتبعتوا ليا على الموبايل المبروك اللى معايا ده

"قناة االسويس تحقق 504.5 مليون دولار كأعلى ايراد لها خلال اغسطس الماضى"

"رشيد:نحو 19 مليار جنيه قيمة صادرات قطاع الصناعات الكيماويه خلال 8 شهور"


"رئيس (أى بى إم) يعرب عن تفاؤله بمستقبل مصر الإقتصادى عقب استقبال مبارك له"


الأخبار دى على مسئولية وكالة أنباء الشرق الأوسط

لكن اللى هتفرس منه وهيجيلى شلل عيال منه هو ان الدوله وهى بتلم المليارات دى كلها راحه تحك فى تلتاشر جنيه على

كل نص مليون جنيه يعنى تعمل بلبله وقلق بين الأوساط الشعبيه علشان خاطر حاجه عبيطه .

بصراحه انا عاوز اعيش لكن افضل اموت لو مفهمتش دلوقتى حالا

فلوسنا دى بتروح فين ياحكومه
؟

؟

؟

؟

؟
عارف وانتم عارفين وعترفين ان فى فساد والكلام ده قاله السيد جمال مبارك وقاله الرئيس نفسه لكن ليه مكانش فيه

خطوات حاسمه لتقليل الفساد مش عاوز ابقى متعصب واقول انهائه لكن لو انت ذكى اسرق من غير ما حد يحس لكن

تسرق عينى عينك ؟؟؟؟؟؟؟؟؟؟؟ لالالالالالالالالالالا نوووووووووووو ابدا ابدا ده مش هسمح بيه

عارف بردو ان فيه حاجات بتتعمل بتسدوا بيها بقنا لكن مش كافيه ياحكومه

رايحين تتذللوا لخلق الله علشان معونه متستاهلش وده يفرض شروطه وده يقول قرارتنا واحنا عندنا الخير كتير؟

السودان عرضت علينا نزرع الحدود بينا وبينهم قمح ونعمل كفايه ذاتيه من القمح لنا وليهم فى نفس الوقت لكن الظاهر ده

مش من مصلحتكم

اتحكم على ابراهيم عيسى بشهرين سجن والكلام ده تم على يد القضاء مش نقابة الصحفيين المعنيه بمقاضاة الغير ملتزم

بميثاق الشرف الصحفى وان دل ده على شىء فربما دل على ان الديمقراطيه عندنا هى ديمقراطيه بالملوخيه حسب القول

"الديمقراطيه صنم من عجوه اذا جاع صاحبه أكله"

آسف ياحكومه انى أقول ان فى كتير من ورقكم اتكشف

اتمنى تكون رسالتى وصلت لكل أخواتى المدونين

بقلم

المصــــــــــــــــــــــــــــــــــرى